耆英版莎莎留守上環40年 爽報12/04/2013
傳媒報導

若你在中西區擁有一間地舖,你會胼手胝足守住老業,每月賺不夠萬五元?還是撓埋雙手放租出去,每月印印腳穩袋三萬元?連小學生都懂得的數學題,三陽百貨老店主夫婦偏偏選擇前者,「退咗休好無聊㗎,當過吓日辰」。兩人異口同聲道。開業逾40年,見證過六七暴動,快將目睹佔領中環,現在還賣40年前的東西:七姐粉、花露水、洗頭膏、膠煙盒、蘋果梳、牛骨脷刮、髻網、豬鬃毛牙刷……時光倒流40年,不是沒可能。記者:譚淑美 攝影:胡智堅

中西區是香港最早發展的地區,早前長春社出書講該區老店,就介紹了三陽百貨。40餘年前,三陽在荷里活道開業,「1967年,我哋啱啱開張,就遇上六七暴動。我仲專登走出去門口,聞下催淚彈乜嘢味!」老闆袁啟泰憶述。

舖位升值千萬 營商老實

搬到太平山街現址也是20幾年前的事,幸而當時買了舖,「20幾年前買呢間舖,要百幾萬元,??家升值到千幾萬元」。買舖精明,營商卻不然,花露水來貨價19元,他標價22元,僅賺15%差價,還未計其他成本。記者買一支,他客氣要送,記者推卻,最終他只肯收20元,這樣老實商人,就像架上的古老貨品,香港地買少見少。
三陽是上一輩人的莎莎、卓悅,售賣胭脂水粉,袁老闆如數家珍:「呢個叫七姐粉,又叫三鳳粉,用嚟化妝。」粵語長片中的古法線面就是用它,但為何叫七姐粉?「舊時的人在七姐誕拜神,會奉上七姐粉。織女會牛郎,你咁都唔識?」袁太咭咭笑道。袁老闆無奈說:「??家好少人用啦,火箭都上太空啦!」找不到織女及牛郎?「咪係!」

為過日辰 變家人聚腳地

袁太說,現在仍有廠家供應七姐粉,男士用的洗頭膏、髮油則已停產。橙色膠梳「蘋果梳」是香港老字號,但最近工廠賣掉,「東主都成80幾歲,佢叫我哋入多啲貨,話唔再生產。呢啲膠好靚,吹風筒都得」。袁太一臉不捨。
舊時嫁女,要齊備六項嫁妝:嫁女尺、雙囍毛巾、剪刀、鏡、紅頭線、梳,其他五件都不難找,惟獨嫁女尺一定要是紅色,還要刻上「百子千孫」四個大字,可惜,這廠家就是生產「蘋果梳」那家。
袁老闆看盡中上環40年的變遷,「荷里活道以前有好多食肆、茶樓、麻雀舖、涼茶舖。

Share via email

Leave a Reply

Your email address will not be published. Required fields are marked *

*

* Copy this password:

* Type or paste password here:

42,141 Spam Comments Blocked so far by Spam Free Wordpress